Afrika mund të njohë Kosovën, por me një kusht!

Membe: "Afrika është gati ta njohë Kosovën – mbase edhe nesër në mëngjes – nëse Britania e Madhe dhe SHBA e njeh Saharanë Perëndimore"

Tanzania dhe vendet e tjera afrikane po e shqyrtojnë mundësin e njohjes së Kosovës, duke mos i paragjykuar marrëdhëniet me Serbinë. Megjithatë ata i kanë vënë kushte Britanisë së Madhe dhe SHBA-së. Këtë e ka bërë publike ministri për Bashkëpunim të Jashtëm të Tanzanisë, Bernard Membe, në një intervistë për The Guardian.

Ai ka pranuar se ka vështirësi në këtë moment të njihet Kosova për shkak të çështjes së Saharasë Perëndimore, transmeton indeksonline.net. Përfaqësuesit e këtyre vendeve kanë thënë se “Afrika është gati ta njohë Kosovën – mbase edhe nesër në mëngjes – nëse Britania e Madhe dhe SHBA e njeh Saharan Perëndimore”.

Pozita e Afrikës karshi njohjes së Kosovës është komplekse, për shkak të shumë çështje të pazgjidhura që kanë të bëjnë me territoret në këtë kontinent. Megjithatë kjo çështje do të diskutohet në agjendën e Unionit Afrikan. Prej 53 vendeve anëtare, vetëm 12 e kanë njohur Kosovën.