Një milion punëtorë të Evropës Lindore punojnë në Britaninë e Madhe

Numri i punëtorëve në Britani të Madhe nga tetë vendet e Evropës Lindore që u bashkuan me BE-në, në maj 2004, për herë të parë ka tejkaluar një milion njerëz, sipas raportit të fundit të Entit Shtetëror të Statistikave (ONS), përcjell albinfo.ch.

Në tremujorin e dytë të këtij viti, nga prilli deri në fund të qershorit, rritja e  44,000 e numrit të punëtorëve vjen nga Polonia, Republika Çeke, Hungaria, Sllovakia, Lituania, Estonia, Letonia dhe Sllovenia, në krahasim me të njëjtën periudhë në vitin 2015.

Në tregun e punës, punëtorët nga tetë shtete ish-komuniste për dhjetë vjet kanë rritur numrin më shumë se katër herë. Pjesa më e madhe e kësaj rritjeje vjen nga polakët të cilët janë tani grupi më i madh nga Evropa Lindore.

Në Britani punojnë 260,000 bullgarë dhe rumunë, ose për një vit rreth 87,000 punëtorë.

Dy vendet e Ballkanit kanë hyrë në BE më 1 janar 2007, qytetarët e tyre mund të punësohen lirisht në vendet e BE-së, dhe në ekonominë britanike, deri në janar të vitit 2013.

Tani ekonomia britanike ka 2.2 milion punonjës të shteteve anëtare, për një vit bëhet fjalë për një rritje prej 200 mijë njerëz.

Gjatë të njëjtës periudhë, papunësia në Britani vazhdon të bjerë.

Në tremujorin e dytë është ulur me një tjetër 52,000 dhe tani qëndron në 1,6 milionë të papunë. Kjo e bën tregun britanik të punës të jetë i qëndrueshëm.

Numri i të huajve të punësuar nga vendet jashtë vendet e BE-së mbetet përafërsisht në të njëjtin nivel dhe tani është 1.2 milionë emigrantë.

Këto janë të dhënat e para statistikore mbi migracionin në Britani pas referendumit të 23 qershorit dhe përsëri i shfrytëzojnë aktivistët për të bërë fushatë  për Brexit, në mbrojtjen e pozicionit të tyre për braktisjen e BE-së.