Shkëndija e pafat por ende shpreson

Megjithatë, Shkëndija ende shpreson se mund të kualifikohet tutje. Rezultati 1:0 kalon kuqezinjtë në xhiron tjetër, që është faza e grupeve në Ligën e Evropës

Skuadra e Shkëndijës së Tetovës ka qenë shumë e pafat në takimin kundër Gent, duke pësuar humbje në çastet e fundit me rezultat 2:1, shkruan albinfo.ch.

 

Dy golat e skuadrës belge kanë ardhur në minutat shtesë. I pari në shtesë të pjesës së parë dhe i dyti në shtesën e pjesës së dytë.

 

Besar Ibrahimi shënoi gol në minutën e tetë për Shkëndijën, që më pas kishte edhe disa raste tjera shënimi, duke mos qenë aspak inferior, edhe pse po luante si mysafir dhe se po avanconte.

 

Tetovarët kishin raste edhe në pjesën e dytë dhe shumë lehtë kanë mundur të fitojnë këtë ndeshje, por mungoi finalizimi në disa raste vendimtare dhe këtë e dënuan belgët, duke shënuar në fund dhe duke fituar.

 

Megjithatë, Shkëndija ende shpreson se mund të kualifikohet tutje. Rezultati 1:0 kalon kuqezinjtë në xhiron tjetër, që është faza e grupeve në Ligën e Evropës.

 

Partizani nuk ka arritur të marrë një rezultat pozitiv në ndeshjen e parë të “Play-offit” të Ligën e Evropës ndaj Krasnodar në Rusi, madje është mundur me rezultatin e thellë 4:0.

 

“Të kuqtë” janë dorëzuar që në pjesën e parë, ku pësuan tre gola. Joaozinho ishte autor i golit të parë të ndeshjes në minutën e 18, ndërsa më pas shënuan edhe Smolov e Jedrzejczyk. Por skuadra ruse nuk e mbylli ndeshjen vetëm me këto tre gola, pasi në pjesën e dytë arriti ta gjejë sërish rrugën e rrjetës me brazilianin Ari, i cili e vulosi rezultatin në 4:0.

 

Edhe pse do të luhen edhe 90 minutat në “Elbasan Arena”, për Partizani duket se arritja në fazën e grupeve të Europa League është e pamundur. Ndeshja e kthimit do të zhvillohet më 25 gusht.

---