Zvicra i dhuron libra Universitetit të Prishtinës

Biblioteka Universitare e Prishtinës është pasuruar me një kontigjent librash nga fondacioni “Pro Helvetia”.

Këto libra i ka dhuruar Ambasada e Zvicrës në Prishtinë përmes atasheut të saj, Marc Sahli.

Librat janë nga lëmi të ndryshme shkencore si: letërsia, arti, linguistika, historia, filozofia, arkitektura etj.

Rektori, Mujë Rugova dhe prorektori për marrëdhënie ndërkombëtare, Naser Mrasori, në emër të menaxhmentit të UP-së e kanë falënderuar përzemërsisht Ambasadën zvicerane dhe përmes saj fondacionin “Pro Helvetia”, si dhe popullin zviceran për këtë dhuratë të çmuar, si dhe për mbështetjen e vazhdueshme zvicerane për Kosovën në përgjithësi dhe për UP-në në veçanti.