Rikthehet përdorimi i markave gjermane

Sipas Bankës Federale të Gjermanisë, 12.76 miliardë marka gjermane ende janë në qarkullim në vend

Dyqani online “Hertie.de” përsëri pranon pagesa në marka gjermane. Në një intervistë me drejtorin e marketingut, Klaus-Martin Meyer, thotë se ideja së shpejti do të pranohet nga kompani të tjera në Gjermani.
Sipas Bankës Federale të Gjermanisë, 12.76 miliardë marka gjermane ende janë në qarkullim në vend. Por, kjo masë mbresëlënëse e kartëmonedhave të vjetra mund të shkrihet si “bora në maj” në vitet që vijnë, transmeton albinfo.ch.
Arsyeja është se kompanitë si “Hertie.de” pranojnë pagesa në monedhën tradicionale.
“Ne po ndryshojmë paratë e marra në Bankën Qendrore, e cila më pas ndalon qarkullimin”, shpjegon Meyer.
Ideja ishte frymëzuar nga kompania “HDK AG” me qendër në Osnabrück, Saksonia e Ulët dhe e njohur që nga viti 2012 nën emrin “Hertie”.
Disa media gjermane e konsiderojnë se kjo formë e pagesës mund të jetë vetëm një zgjidhje afatshkurtër krahas monedhës virtuale Bitcoin që më në fund ka hyrë në qarkullim.