Për BE-në, EULEX-i po bën punë të mirë

Zëdhënësja e Catherine Ashton, Kocijancic, ka thënë se jo gjithçka është në dorë të EULEX-it. Vendorët duhet të marrin iniciativë

“Eulexi është mision i BE-së dhe ne jemi të kënaqur me punën që është duke e bërë” Kështu është shprehur për Radio Dukagjinin, Maja Kocijancic, zëdhënëse e shefes së Politikes se Jashtme te BE-së, Catherine Ashton.

Ajo më tutje ka vazhduar: “Mund të ju jap disa shembuj se pse jemi të kënaqur:　 Kemi më shumë se 180 verdikte gjyqësore të marra nga gjyqtarët e Eulexit, 34 prej tyre vetëm në Mitrovicë. Nga ana tjetër prokurorët e Eulex-it janë përfshirë në 1300 raste, shumica, të komplikuara dhe të ndërlidhura me krim të organizuar dhe korrupsion” ka thënë Kocijancic.

Sidoqoftë Kocijancic ka thënë se jo të gjitha çështjet në Kosovë janë në dorë të EULEX-it. Sipas saj, janë vendorët që duhet të marrin iniciativë. “Jemi të vetëdijshëm se pritjet janë të mëdha por duhet ta dini që Eulex-i është në Kosovë që të ndihmojë autoritetet lokale dhe nuk mund të bëjë çdo gjë. Prandaj duhet të punojmë së bashku dhe janë autoritetet lokale ato që duhet të udhëheqin” ka shtuar zëdhënësja Kocijancic.