Integrimi
„Zvicra është një vend migrimi. Merruni me këtë!”
Një juri kompetente profesionale e përbërë nga ekspertë të politikës dhe profesionistë të ekonomisë ka përzgjedhur 15 idetë më premtuese për të marrë pjesë në garën që do të zhvillohej në “Kaufleute” të Cyrihut më 7 shtator
“Merruni me këtë dhe madje me ide kreative mbi temën e migracionit”. Kjo ishte motoja e organizimit “Ideenmarkt”, këtij “Tregu të ideve”, të mbajtur për herë të parë. Në këtë aktivitet janë kërkuar nga qytetarët propozime për zgjidhje në fushat si migracioni i punues, ai humanitar dhe participimi. Idetë e përzgjedhura nga një juri, pastaj janë prezantuar më 7 shtator në “Kaufleuten” në Cyrih.
Politika e azilit, kriza e refugjatëve dhe migracioni janë tema të cilat e sjellin politikën zvicerane aktualisht para sfidave të mëdha. Forumi për politikë të jashtme i ka vënë vetes për synim gjetjen e vizioneve novatore. Ai është mbështetur nga fondacioni Mühler-Möhl dhe institucioni kulturor “Stapferhaus”, Lenzburg. Meqë “Zvicra është një vend migrimi- deal with it ( merruni me këtë)”, ka theksuar Nicola Forster, kryetar i “Foraus”. Ne duhet të gjejmë zgjidhje”.
Idetë nga qytetarët
Gjatë zhvillimit të fushatës gjithëzvicerane “Crowd-Innovation”, janë paraqitur më shumë se 100 ide, 30 nga të cilat janë parazgjedhur në faqen e internetit “foraus”. Pastaj, një juri kompetente profesionale e përbërë nga ekspertë të politikës dhe profesionistë të ekonomisë ka përzgjedhur 15 idetë më premtuese për të marrë pjesë në garën që do të zhvillohej në “Kaufleute” të Cyrihut më 7 shtator.
Të pranishmit, në mesin e të cilëve kishte edhe personalitete me emër, kanë debatuar në grupe të vogla lidhur me zbatueshmërinë, efektivitetin dhe dobinë ekonomike të propozimeve. Ndarja e pikëve u bë pastaj nga anëtarët e grupeve të vogla, me ç`rast për secilin fushë u zgjodh nga një fitues
“Matchmaking”, zanatet për refugjatët dhe “Swiss Diversity”
Në lëmin e migracionit të punës ka fituar ideja e “Matchmaking e cila ka të bëjë me krijimin e një platforme e cila sistemon shkathtësitë profesionale të migrantëve dhe ato i përpunon në bashkëpunim me punëdhënësit përkatës dhe ndërmarrjet zvicerane.
Po ashtu edhe fituesi i grupit të Migracionit humanitar ka synuar që me idenë e tij të veprojë kundër mungesës së fuqisë punëtore profesionale. Sipas kësaj ideje azilkërkuesit mund të absolvojnë një trajnim të subvencionuar nga federata dhe në këtë mënyrë të shpejtohet integrimi i tyre në punë.
Projekti “Swiss Diversity” ndërkaq merret me larushinë ekzistuese në Zvicër dhe me mungesën e vetëdijes për ekzistimin e saj. Për të vepruar kundër këtij fenomeni, në një website do të ndahen rrëfimet e suksesit nga përditshmëria dhe ato t`u jepen në dispozicion anëtarëve të “Swiss Dibversity” për t`i përdorur gjatë vizitave nëpër klasa, në mënyrë që nxënësit ta kenë më të afërt Zvicrën multikulturore.
Se cili nga këto propozime në të ardhmen do të gjejë zbatim, varet nga ajo se nga kish dhe në çfarë forme do të gjejnë mbështetje fituesit. Në këtë event ka qenë po ashtu e mundur që të gjendeshin lidhje adekuate për një gjë të tillë.
Fotos: Florin Hasler, foraus
Të tjera nga Integrimi
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)