Në Kosovë sivjet mbyllen 282 biznese

që nga janari i këtij viti deri në prill janë hapur 2829 biznese, ndërsa po në të njëjtën periudhë janë mbyllur 282 biznese

Vetëm deri në prill të këtij viti janë mbyllur shumë biznese në Kosovë. Të dhënat vijnë nga Ministria e Tregtisë dhe Industrisë (MTI), ministri e udhëhequr nga Mimoza Kusari-Lila (AKR), e cila, kur e mori postin, premtoi lehtësira në hapjen dhe zhvillimin e bizneseve.

Kreditë e larta dhe bllokadat tregtare janë shqetësuese bizneset, ndërkaq, sipas statistikave të MTI-së, gjatë vitit 2010 janë regjistruar 7629 biznese të reja, ndërsa gjatë po këtij viti janë mbyllur hiq më pakë se 1380 biznese.

Zëdhënësi i MTI, Bajram Shala, ka thënë se statistika edhe për katër muajt e parë të vitit 2011, tregojnë se që nga janari i këtij viti deri në prill janë hapur 2829 biznese, ndërsa po në të njëjtën periudhë janë mbyllur 282 biznese.