Nuk paguan gjobën 100 euro, 10 ditë burg për shqiptarin

Ai më parë ishte dënuar për vjedhje, pasi që nuk e kishte paguar një gjobë prej 100 eurosh

Një shtetas shqiptar është ndalur në qytetin Stralsund të Gjermanisë. Policia e ka ndalur atë dhe arrestuar, por nuk pritet të qëndrojë shumë gjatë në burg, shkruan albinfo.ch.

Mediat gjermane kanë bërë të ditur se 24-vjeçari shqiptar ishte arrestuar dhe nga ana e Prokurorit Publik do të mbahet në arrest. Ai më parë ishte dënuar për vjedhje, derisa nuk e kishte paguar një gjobë prej 100 eurosh.

Ai tani do të duhet të mbajë së paku dhjetë ditë burg. Përveç kësaj, leja e qëndrimit në Gjermani kishte skaduar në prill të vitit 2016 dhe ai po qëndronte në mënyrë të paligjshme në territorin e Gjermanisë.

Ai po qëndron në burgun e Stralsund, ku pritet t’i jepet dënimi final për veprimet e tij.