‘Bomba’ e Gashit (video)

Sulmuesi i Kombëtares shqiptare arriti të shënojë dy herë, për ta çuar në shtatë numrin total të golave të shënuara prej tij në 21 ndeshje të zhvilluara në këtë sezon

Shkëlzen Gashi gjithnjë e më shumë po ambientohet në kampionatin amerikan të futbollit, derisa golat për të nuk po ndalen, shkruan albinfo.ch.

Në sfidën dramatike të Colorado Rapids me Vancouver, ndeshje e mbyllur në barazim 3:3, sulmuesi i Kombëtares shqiptare arriti të shënojë dy herë, për ta çuar në shtatë numrin total të golave të shënuara prej tij në 21 ndeshje të zhvilluara në këtë sezon.

Shkëlzen Gashi e shënoi golin e tij të parë në këtë përballje me skuadrën kanadeze në minutën e 57-të, teksa ekzekutoi saktë një 11-metërsh për t’i dhënë kryesimin në 2:1 skuadrës së Colorados.

Ndërsa golin tjetër, Gashi e shënoi në minutën e 75-të, për t’i dhënë avantazhin e përkohshëm 3:2 skuadrës së tij, e cila renditet në vendin e dytë në Konferencën e Perëndimit të “Major League Soccer”, me 48 pikë, ndërkohë që në krye ndodhet skuadra e Dallasit, që e ka siguruar tashmë kualifikimin për në “play-off”.