Një fotografi me familjen Skënderi

Gjatë shfletimit të gazetës 24heures, bie në sy një fotografi që pushton pothuaj tërë faqen në rubrikën “Lozanë dhe rajon”.

Para perdeve të stolisura me lule, duket familja Skënderi: dy gjyshe (në vizitë në Zvicër) me shamia të bardha, babi, mami dhe dy fëmijët et tyre. Fuqia e këtij portreti familjar ngjall përnjëherë simpatinë e mërgimtarëve kur shohin dy gjyshe nga Kosova.

Fotografja profesioniste, Mercedes Riedy, e cila trajton tematikën e larmisë kulturore të rrugicës Borde në Lozanë, tregon se sa shumë e ka prekur familja Skënderi: “Mbetem shumë e hareshme pas këtij takimi”. Asaj i kujtohet në veçanti se si e kanë përqafuar  gjyshet para se të nisej.

Përmes të përditshmes 24 heures, fotografia pasqyron pasurinë kulturore të kësaj lagje, duke kristalizuar 22 çaste familjare. 

 Mercedes Riedy: “La Borde në miniaturë me portrete të banorëve të saj” Një ekspozitë e fotografive të Mercedes Riedy me 22 portrete të cilat ilustrojnë diversitetin e madh të popullsisë së rrethit të Lozanës. Mercedes Riedy, fotografe, punon për revistën Femina ja dhe, në të njëjtën kohë, si e pavarur. Subjektet e saj të preferuara: portrete, dramë dhe dokumentarë. Projektuesi i ekspozitës, është një shoqatë ndërkulturore, laike, apolitike, e themeluar në vitin 2007.  Aktive në qarkun e La Borde, qëllimi i saj është që të inkurajojë takimet ndërkulturore përmes organizimit të ngjarjeve dhe aktiviteteve sociale, veprimtarisë kulturore dhe sportive.  Të premten, maj 27, në ora 18:30 Mercedes Riedy ekspozon fotografitë e bëra në këtë”lagje.