Baza e SVP pro planit për kufizimin e numrit të të huajve

Këtu hyn edhe iniciativa për kufizimin e numrit por edhe për ndryshimin e “kualitetit” të të huajve në këtë vend

Të deleguarit në kuvendin e SVP-së, të mbajtur në Einsiedeln, i thanë njëzëri Po planeve të kryesisë së partisë për kufizimin e migrimit të të huajve në Zvicër.

Ndër këto plane është edhe iniciativa popullore të cilën synon ta udhëheqë kjo parti për kufizimin e numrit por edhe për ndryshimin e “kualitetit” të të huajve që vijnë në këtë vend. Pas kësaj kryesia duhet ta formulojë më saktësisht tekstin.

Ministri i mbrojtjes i Zvicrës, Ueli Mauer, i cili vjen nga radhët e kësaj partie, duke marrë pjesë në kuvend u ka thënë të deleguarve se Zvicra gjatë viteve të fundit ka mbrojtur tepër pak interesin e veta.

Këtë, sipas tij e tregojnë edhe shifrat e të huajve të vendosur në Zvicër.