Nga pesha e rëndë bllokohet ashensori, kapet shqiptari me trezorin e vjedhur!

Një shqiptar 40 vjeçar dhe bashkëpunëtori i tij nuk e kanë lexuar vërejtjen në ashensor se ai nuk mund të bartë më shumë se 375 kilogramë. Ndërsa pesha e trezorit dhe gjësendeve tjera ishte dukshëm më e rëndë...

Se leximi është i dobishëm, sidomos leximi i numrave, do të jenë bindur edhe dy hajnat që kanë dashur të vjedhin trezorin në një furrë në Dyseldorf, Gjermani. Por mësimi për ta ka ardhur vonë, kur nuk u është dashur më.

Një shqiptar 40 vjeçar dhe bashkëpunëtori i tij nuk e kanë lexuar vërejtjen në ashensor se ai nuk mund të bartë më shumë se 375 kilogramë, shkruan express.de. Ndërsa pesha e trezorit, bashkë me tre thasët me para (monedha metalike) si dhe të dy personat ishte dukshëm më e rëndë, transmeton albinfo.ch. Për pasojë, ashensori u bllokua dhe nuk pranonte ngarkesën. Kështu policia nuk e pati të vështirë të kapte dorasit.

Ata kishin hyrë për të plaçkitur në furrën e përmendur rreth orës 2 të pas mesnatës. Së pari i kanë ngarkuar thasët me monedha ndërsa kur e kanë parë se nuk munden ta hapin trezorin, kanë vendosur që atë ta marrin atë me vete.

Por pronari i furrës thotë se duhet të kenë qenë më shumë persona për ta bartur trezorin. Sidoqoftë, ashensori bllokohet dhe kur ata duan ta shtyjnë trezorin për në ashensor bëjnë aq shumë zhurmë sa që dëgjojnë fqinjët dhe alarmojnë policinë. Shqiptari vjeçar u kap në korridor të ndërtesës ndërsa bashkëpunëtori i tij ia doli të ikte.