Ligjvënësit gjermanë kërkojnë të ndalohen automjetet me benzinë dhe naftë

Ligjvënësit në Dhomën e Ulët të Parlamentit gjerman i kanë propozuar Komisionit Evropian që në vitin 2030 të ndalohet regjistrimi i automjeteve me motorë dhe me djegie të brendshme, shkruan Spiegel Online, përcjell albinfo.ch.

“Ne duhet të rishikojmë politikën aktuale tatimore për të nxitur masa për trafikun që nuk shkaktojnë ndotjen dhe për të arritur objektivin që në vitin 2030 në Bashkimi Evropian të regjistrohen vetëm automjetet të cilat nuk lëshojnë gazra”, thuhet në kërkesën e Parlamentit të Gjermanisë drejtuar Komisioni Evropian.
Sipas Spiegel, ministri Federal Transport, Alexander Dobrindt, i Bashkimit Kristian Social (CSU), megjithatë, ka refuzuar iniciativën e Dhomës së Ulët të Parlamentit, duke e vlerësuar atë si joreale.

“Motorët me djegie të brendshme si një teknologji kalimtare do të zhvillohet paralelisht me zhvillimin e makinave elektrike,” thotë Dobrindt, i cili beson se tregu për makina elektrike do të vazhdojë të rritet.

Klubi më i madh i automobilave në Evropë, ADAC-i gjerman, kritikoi nismën e Parlamentit të Gjermanisë.

Në ADAC thonë se me heqjen e parakohshme të këtyre motorëve do të rrezikonin punëtorët në industrinë e automobilave gjermanë, duke pasur parasysh se prodhimi i motorëve të automjeteve elektrike nevojiten më pak punëtorë se sa në prodhimin e motorëve me djegie të brendshme.