Yll Sallahu ndërmjet Austrisë dhe Kosovës

Kohët e fundit ka pasur zëra se Ylli Sallahu mund të luajë për Kosovën, ngjashëm siç ka zgjedhur Sinan Bytyqi, i cili braktisi Austrinë për t’iu bashkuar përfaqësueses së Kosovës.

Tani 22 vjeçari mohon të gjitha këto thashetheme dhe e thotë qartë se ndryshimi i kombëtarëve në nuk është opsion për të.

“Unë jam i befasuar se si klubi i Kosovës ka shprehur interes për mua. Më mua askush nuk ka folur. Unë dua të luaj për Austrinë! Këtë unë e kam thënë qartë që një kohë të gjatë”, thotë mbrojtësi i majtë për “Sportkrone”, transmeton “albinfo.ch”.

Dua të bashkohem ekipit në Ernst –Happel – Stadion

Sallahu i cili nisi karrieren e tij në SV Kapfenberger ndërsa prej moshës 16 vjeçare iu bashkua të rinjve të Bajernit, aktualisht luan për ekipin gjerman Karlsruhe.

“Unë jam rritur në Austri, këtu kam mësuar gjithçka”, thotë ai.

“Gjashtë, shtatë muaj pasi jam lindur, jam ardh në Austri. E qartë, që unë vizitoj të afërmit e mijë atje, por pavarësisht kësaj, unë dua të provoj këtu, dhe kjo ishte ëndrra ime që të luaj për Austrinë! Do të ishte shumë bukur, që unë të iu bashkohem ekipit në Ernst –Happel – Stadion”, shprehet Sallahu.

“Gjithçka rreth futbollit unë e kam mësuar këtu, për këtë arsye unë kurrë nuk kam biseduar më askënd, madje as që e njoh dikë nga klubi i Kosovës”, shton ai.

Ylli Sallahu konsiderohet si talent i madh me një të ardhme të ndritshme për kombëtaren austriake, por ai ende pret ftesën nga trajneri për t’iu bashkuar skuadrës së tij.

Albinfo.ch