Të huajt prodhojnë të mira në vlerë prej 127 miliardë €

Të huajt që punojnë në Itali prodhojnë të mira në vlerë prej 127 miliardë euro. Kontributi ekonomik i imigracionit përkthehet në thuajse 11 miliardë kontribute shoqërore të paguara çdo vit, në 7 miliardë tatime mbi të ardhurat, IRPEF, në më se 550 mijë sipërmarrje të huajsh që prodhojnë çdo vit 96 miliardë vlerë të shtuar. […]

Të huajt që punojnë në Itali prodhojnë të mira në vlerë prej 127 miliardë euro. Kontributi ekonomik i imigracionit përkthehet në thuajse 11 miliardë kontribute shoqërore të paguara çdo vit, në 7 miliardë tatime mbi të ardhurat, IRPEF, në më se 550 mijë sipërmarrje të huajsh që prodhojnë çdo vit 96 miliardë vlerë të shtuar. Nga ana tjetër, shpenzimet publike që u destinohen imigrantëve janë vetëm sa 2% e shpenzimeve publike në Itali (15 miliardë, shumë më pak se 270 miliardë që shkojnë për pensionet, për shembull).

Për të ruajtur përfitimet aktuale edhe në të ardhmen, do të jetë e nevojshme të rritet produktiviteti i të huajve, të mos shkojnë drejt profesioneve me kualifikim të ulët.

Këto janë rezultatet kryesore të paraqitura ga Fondacioni Leone Moressa në edicionin e gjashtë të raportit vjetor mbi ekonominë e imigracionit, të publikuar me kontributin e CGIA të Mestrës dhe nën kujdesin e Organizatës Ndërkombëtare për Migracionin dhe Ministrisë së Punëve të Jashtme.

Edicioni 2016 i raportit, “Impakti ekonomik i imigracionit” përqendrohet në kontributin e punës së të huajve në arkat e shtetit, përcjell albinfo.ch.

Në Itali imigracioni është gjithnjë e më i rëndësishëm. Nga pikëpamja demografike, në vitin 2015, italianët në moshë pune përbëjnë 63,2% të popullsisë, ndërsa mes të huajve arrihet 78,1%. Nga pikëpamja ekonomike, vlera e shtuar e krijuar prej imigrantëve në vitin 2015 është 127 miliardë.