Kosova dhe Shqipëria, me përmirësime në fushën e biznesit

Kosova përparimin më të madh e ka bërë në mbledhje e taksave. Gjithashtu progres ka bërë edhe me tregti

Dy shtetet ballkanike, Kosova dhe Shqipëria kanë bërë përmirësime të dukshme në fushën e biznesit. Kështu thuhet në raportin e Bankës Botërore, shkruan ‘seenews.com’.

Shqipëria këtë vit është në vendin 58-të, kurse vitin e kaluar ishte në atë të 90-të. Kosova gjithashtu ka bërë përparime edhe pse jo të mëdha. Kosova tani ndodhet në vendin e 60-të, kurse një vit më parë ishte në atë të 64-t, përcjell albinfo.ch.

Shqipëria ka bërë përparime në disa sektorë, si atë të pronës, energjisë elektrike, por edhe pagesave online, që kanë rritur edhe shtimin e tatimit të paguar.

Kosova përparimin më të madh e ka bërë në mbledhje e taksave. Gjithashtu progres ka bërë edhe me tregti.

“Kosova ka shënuar progres në disa indikatorë. Në veçanti është bërë progres i konsiderueshëm në indikatorët për: Fillimin e një Biznesi (nga vendi i 27-të në vendin e 13-të në botë), Pagimin e Tatimeve (nga vendi i 77-të në vendin e 43-të në botë); dhe Tregtia Përtej Kufijve (nga vendi i 59-të në vendin e 51-të në botë)”, thotë Ministria e Transportit dhe Infrastrukturës duke iu referuar raportit të BB-së.