Kosova në korrik nis aplikimin e masave të reciprocitetit

Mimoza Kusari-Lila: Në muajin korrik të nis aplikimin e masave të reciprocitetit ndaj Serbisë dhe Bosnjës

Gjatë raportimit në Komisionin për Zhvillim Ekonomik, Infrastrukturë,Tregti dhe Industri, ku temë kryesore e diskutimit ka qenë marrëveshja e CEFTA-s, Ministrja e Tregtisë dhe Industrisë, Mimoza Kusari-Lila, ka thënë se po pret zhvillimet që do të ndodhin në rundin e ardhshëm të bisedave mes Kosovës dhe Serbisë që pritet të realizohen në muajin korrik, në mënyrë që pastaj të merret vendimi definitiv për masa reciprociteti ndaj dy vendeve të lartpërmendura.

Ajo gjithashtu ka pranuar se këto masa nuk do të mund të aplikohen edhe në dy pikat kufitare 1 dhe 31 në veri të vendit.

Kjo ka nxitur reagim të ashpër të deputetit të Vetëvendosjes, Visar Imeri, i cili ka kritikuar shtyrjen e aplikimit të masave, duke vlerësuar se kjo situatë do të jetë në të keq të konsumatorëve.