Çitaku nuk e di se kur do të nisë dialogu për vizat

ministrja Vlora Çitaku nuk ka mundur të japë kurrfarë date se kur mund të nisë dialogu për liberalizimin e vizave apo se kur do të merret udhërrëfyesi. Sipas saj, në muajin korrik do të vijë në Kosovë një komision i KE-së për këtë çështje dhe në bazë të vlerësimeve të këtij misioni, sipas Çitakut, do të dihet se kur do të ketë diçka të re për procesin e liberalizimin të vizave.

Në takimin me kryetarët e komunave për procesin e liberalizimit të vizave, shumica prej tyre nuk kanë marrë pjesë, kryesisht ata të LDK-së dhe AAK-së, ndër të tjera, as kryetari i Prishtinës, Isa Mustafa. Sipas Çitakut, kjo nuk do të thotë se ata po e bojkotojnë Qeverinë. Kryeministri Hashim Thaçi i ka porositur kryetarët e komunave që t’i respektojnë të gjitha kriteret për riintegrimin e personave të riatdhesuar.