Çeku: Anëtarësimi në NATO, synim strategjik i Kosovës

Janë graduar 16 kadetët e gjeneratës së tretë, të cilët tashmë janë nëntoger në nivelin më të lartë të edukimit profesional dhe kombëtar për t’i bashkangjitur njësiteve të FSK-së.

Me këtë rast presidentja e Kosovës, Atifete Jahjaga, ka thënë se kjo arritje shpreh përkushtimin, vullnetin dhe angazhimin për shkollim në mënyrë që kjo gjeneratë të aftësohet dhe të ngrihet në karrierë, duke i shërbyer me profesionalizëm vendit dhe popullit tonë.

Ndërsa, ministri i FSK-së Agim Çeku i përgëzoi kadetët për këtë arritje të madhe, duke thënë se synim paqësor i Kosovës është aderimi në Aleancën Veri-atlantike si rruga më e mirë për të ardhmen e sigurt të vendit tonë.

Komandanti i KFOR-it, gjeneral major Erhard Buhler për herë të pare ka prezantuar çmimin vjetor të komandanti i KFOR-it për kadetin më të mirë të FSK-së.

Ky çmim këtë vit për përformancën e jashtëzakonshme i takoi kadetit Vedat Shaqiri.