Nesër skadon afati për regjistrimin e votuesve në diasporë

Regjistrimi për të votuar në zgjedhjet parlamentare në misionet diplomatike dhe konsullore jashtë vendit përfundon më 11 nëntor.

Komisioni Shtetëror Zgjedhor do të përmbyll nesër regjistrin zgjedhor sa i përket njësisë zgjedhore numër 7 në  diasporë, raportojnë mediat në Shkup.

Si duket tashmë është e sigurt se katër vende të votimit do të hapen në Bernë, Venedik, Nju Jork dhe Detroit.

Sipas raportit të Komisionit Shtetëror të zgjedhjeve në këto qytete do të votojnë më së shumti nga diaspora, ku kalon edhe numri prej një mijë votuesve të regjistruar.

Partitë politike vazhdojnë të bëjnë thirrje që mërgimtarët të regjistrohen për të pasur drejtë për të votuar më 11 dhjetor nëpër misionet diplomatike dhe konsullore jashtë vendit.

Për një mandat parlamentar nga diaspora duhen rreth 6500 vota.