Harmonizohen programet arsimore

Objektivat e arsimit në nivel nacional janë pjesë e të ashtuquajturit konkordat-Harmos të kantoneve

Të gjitha kantonet e Zvicrës kanä arritur pajtimin për unifikimin e programeve të tyre arsimore në disa pika. Ato, në kuadrin e marrëveshjes Harmos kanë përcaktuar se cilat përmbajtje mësimore duhet t`i kenë etë njohura nxënësit kur të kenë mbaruar klasën e katërt, atë të tetë dhe të njëmbëdhjetën të shkollimit. 

Siç njoftojnë drejtorët kantonalë të arsimit, për lëndët si gjuhët e huaja, matematikë dhe shkenca natyrore janë vendosur synimet e përbashkëta arsimore. Këto synime pastaj do të barten edhe në planet mësimore dhe në librat shkollorë.

Objektivat e arsimit në nivel nacional janë pjesë e të ashtuquajturit konkordat-Harmos të kantoneve, shkruan drs.ch. Përmes tij synohet ndërtimi i një sistemi shkollor që do të jetë i njëjtë për të gjithë kantonet.