Deshi të vidhte veturën e policisë

Vetura të cilën deshi të vidhte tuniziani i alkoolizuar, jo vetëm se ishte e policisë por e kishte edhe vetë policin brenda!

Në mbrëmjen në mes të premtes dhe të shtunës në Spreitenbach (AG) një njeriu si duket i nevojitej urgjentisht vetura. Natyrisht, ai nuk kishte veturë të veten kështu që “i duhej të gjendej” disi.

Por, ajo që rezultoi nga kërkimi i tij doli dëshpëruese: vetura në të cilën kishte dashur të hynte i takonte pikërisht policisë. Madje edhe polici vetë ndodhej brenda saj!

Se çfarë ndodhi pastaj, mund të merret lehtë me mend. Polici e arrestoi të riun 21 vjeçar nga Tunizia, pas një rezistence të bërë. Ai ishte nën ndikim të alkoolit, ndryshe nuk shpjegohet “guximi” i tij për të vjedhur pikërisht makinën e policisë.

Ndërkaq arsyeja përse polici gjendej në “vendin e gabuar” ishte pikërisht shpeshtimi i vjedhjes së veturave në atë lokalitet ditëve të fundit. Prandaj ai po patrullonte, si masë parandaluese kundër vjedhësve.