Lajme
Ahmeti: Unioni i Komunave Shqiptare i pengon Serbisë
“Serbisë i pengon bashkëpunimi ndërshqiptar dhe sa herë që ka diçka e cila ka emrin shqiptar a është Union, a është bashkim komunash apo diçka e tillë, ata do të reagojnë”, thotë Shpend Ahmeti, kryetari i Prishtinës
Unioni i Komunave Shqiptare që u mbajt javën e kaluar në Tiranë, ku morën pjesë kryetarët e komunave të Tiranës, Tetovës, Prishtinës, Ulqinit dhe Preshevës, ka shqetësuar autoritetet e Serbisë të cilat e shohin si rrezik të formimit të Shqipërisë së madhe. Për këto reagime ka treguar edhe kryetari i Prishtinës, Shpend Ahmeti.
Në një interviste dhënë “Zërit”, Ahmeti thotë se Serbisë i pengon bashkëpunimi ndërshqiptar dhe sa herë që ka diçka e cila ka emrin shqiptar a është Union, a është bashkim komunash apo diçka e tillë, ata do të reagojnë.
“Ka pasur reagime prej kryetarit të Serbisë, kryeministrit, nënkryetarit të Kuvendit të Serbisë. Kryeministri madje ka thënë se kjo është një lojë fëmijësh…Por, në qoftë se është lojë fëmijësh, përse ka nevojë që krerët e shtetit të reagojnë ndaj kësaj. Unë mendoj se atyre u pengon bashkëpunimi ndërshqiptar dhe sa herë që ka diçka e cila ka emrin shqiptar a është Union, a është bashkim komunash apo diçka e tillë, ata do të reagojnë sepse ashtu e kanë mendësinë e kësaj qeverie sepse ka mbetur qe një kohë të gjatë”, tha ai.
Në qoftë se dikujt i pengon zhvillimi i shqiptarëve edhe mirëqenia e jetës së qytetarëve atëherë, sipas Ahmetit, është problem i tyre nuk është problem yni.
“Dhe unë kam pasur më së shumti hall me kryetarin e Preshevës dhe Preshevën sepse kam menduar që presioni do t’ju shkojë më shumë atje. Por edhe në Mal të Zi kishte ca gazeta, medie si “Vijesti” e cila kishte thënë se “po bëhet Shqipëria e Madhe në derë të vogël”. Këto janë reagime më shumë të shfrenuara do të thosha të panikut ndaj një iniciative, e cila synimin e vet e ka zhvillimin dhe mirëqenien e qytetarëve”, tha ai.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Cyrih
Aeroporti i Cyrihut, më i pastërti në Evropë Dhjetë aeroportet më të pastra në botë...
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich