Për dhjetë muaj dërgesat e mërgimtarëve mbërrijnë në 1 miliard euro

Shtetasit e Maqedonisë që punojnë në jashtë vendit këtë vit nuk sollën po aq para sa vitin e kaluar..

Megjithatë dërgesat që erdhën në Maqedoni në mënyrë legale dhe joformale për dhjetë muaj sërish mbërrijnë shifrën 1 miliard euro.

Banka Nacionale e Maqedonisë në këto statistika përfshin jo vetëm paratë ardhurat nga jashtë në llogari të banorëve të Maqedonisë, por edhe llogarit edhe devizat që qytetarët në këmbimore marrin denarë, njoftojnë mediat e Shkupit, përcjell albinfo.ch.

“Të ardhurat-bruto të dërgesave nga punëtorët në vitin 2016, përfshirë shtatorin, arritën shifrën 144 milionë euro dhe këto mund të konsiderohen si të ardhura nga kanalet formale, p.sh. Të ardhurat e marra nëpërmjet bankave dhe transferimit të parave. Të ardhurat- neto nga transferet tjera, përfshirë shtatorin arriti në 963.3 milionë euro. Kjo shumë, kryesisht përfshin një rrjet të blerjes së të hollave në tregun e këmbimit, të cilat ne i përdorim në vlerësimin e shumës së të ardhurave të punëtorëve nëpërmjet kanaleve jo-formale. Përveç kësaj, një pjesë e këtyre të ardhurave vijnë nga transferet sociale (pensionet, invaliditet dhe kështu me radhë), qiratë, shpërblimet dhe kompensimet nga sigurimet, donacionet etj “, shkruan në një njoftim Banka Nacionale e Maqedonisë, transmeton albinfo.ch.

Më konkretisht flitet për gjithsej 1,107.300.000 euro. Në të njëjtën periudhë vitin e kaluar, të ardhurat formale kishin vlerë prej 156,1 milion euro, kurse transferet tjera 1.094.800.000 euro.  Që nga viti 2009, dërgesat  nga shtetasit e Maqedonisë që punojnë jashtë shtetit mbërrijnë mbi 1 miliard euro.

Banka Nacinaole e Maqedonisë pret që remitencat të jenë më e ulëta se vitin e kaluar. Në fakt bëhet fjalë për 16.3% të PBB-së.

Në vitet e fundit, dërgesat e mërgimtarëve shpesh shërbejnë vetëm për konsum të familjeve. Ndër propozimet e fundit për kanalizimin e tyre është ai i Institutit për Kërkime Ekonomike dhe Politikave Financave, i cili ka propozuar futjen e një politike në kupon për remitancat, që do të thotë çdo i papunë që marrin para nga jashtë në kanale zyrtar përmes llogarisë, të marrë një kupon për shërbime shëndetësore me vlerë të një konsumi mesatar për trajtim.

Banka Botërore e Maqedonisë vlerëson se dërgesat nga jashtë në vendet me të ardhura të ulëta dhe të mesme të këtij viti do të rriten me 0.8% në 442 miliardë dollarë. Në vitin 2016 remitancat e dërguara në Amerikën Latine dhe Karaibe janë në rritje. Në të kundërt, rajonet e tjera po përballen me një rënie në të ardhurat nga jashtë.

Banka Botërore tha se dërgesat e emigrantëve në Evropë dhe Azinë Qendrore këtë vit do të shënojnë rënie me 4%, që është më pak se rënia e 22.5% të vitit 2015. Bullgaria, Mali i Zi dhe Bosnje-Hercegovina mund të presin rritje modeste të dërgesave nga emigrantët.