Wizz Air fillon nga prilli fluturimet nga Prishtina

Wizz Air, kompania më e madhe ajrore me kosto të ulët në Evropën Qendrore dhe Lindore, pas Shkupit dhe Podgoricës do të fillon me fluturime edhe nga Prishtina.

Driton Hyseni menaxher i planifikimit të fluturimeve dhe marketingut tha se fluturimet e “Wizz Air” do të  fillojnë nga 7 prilli i vitit 2017 dhe se  kjo është një arritje shumë pozitive për Aeroportin e Prishtinës.

Ai tha se “Wizz Air” është një nga kompanitë më të suksesshme në Evropë, dhe se ka përkrahjen e kompanisë “Limak”.

Sic raporton Kosovapress nga Prishtina, George Michalopoulos kryeshef komercial i “Wizz Air”,  tha se si kompani kanë qenë në kërkim të një  aeroporti siç është ai i  Prishtinës.

“Kompania “Wizz Air” është kompania më e madhe që ofron shërbime, ku në 12 muajt e fundit ka bartur rreth 22 milionë udhëtarë.”, tha ai duke theksuar se kjo do të ndikojë në rritje të turizmit.

Wizz Air ka mbi 3 mijë të punësuar dhe shërben në Shkup e Podgoricë.