Kosovë, kapen 243 kg marijuanë me destinacion Zvicrën

foto: Policia e Kosovës

243 kilogramë substancë narkotike e llojit marijuanë, që po kalonte transit nëpër Kosovë e për destinacion kishte shtetin e Zvicrës, është konfiskuar nga Policia e Kosovës, në pikëkalimin kufitar Dheu i Bardhë.

Lidhur me këtë rast, Policia ka arrestuar 5 persona.

Sic raporton KTV me t’u marrë një informatë lidhur me këtë, Policia dhe Doganat kanë ndërhyrë, duke mos e lejuar një gjë të tillë.

“Gjatë kontrollit në 10 dritare të plastikës dhe 32 roleta, në brendësi të tyre janë gjetur dhe sekuestruar 234 paketime me substancë narkotike të llojit marihuanë me peshë të përgjithshme 240 kg e 724 g. “, thuhet në deklaratën  e policisë kosovare.

Gjithsej 243 kilogramë u konfiskuan në pikën kufitare Dheu i Bardhë.

“Hetuesit policorë kanë zbuluar se destinacioni i drogës ka qenë kalimi transit nëpër Kosovë dhe për destinim në shtetin e Zvicrës.”, thotë policia.

Lidhur me këtë rast, janë arrestuar 5 persona, transmeton albinfo.ch