Kosova është e gatshme për dialog për fqinjësi të mirë, thotë Thaçi

Ai ka tërhequr vërejtjen se askush nuk mund të flas për Kosovën me zyrtarët serbë që hyjnë ilegalisht në territorin e Republikës së Kosovës. “E ritheksoj se asnjë diplomatë apo zyrtarë tjetër nuk ka të drejtë të takohet dhe të bisedojë për rregullimin e brendshëm të Kosovës me zyrtarët serbë. Ata janë duke qëndruar ilegalë […]

Ai ka tërhequr vërejtjen se askush nuk mund të flas për Kosovën me zyrtarët serbë që hyjnë ilegalisht në territorin e Republikës së Kosovës.

“E ritheksoj se asnjë diplomatë apo zyrtarë tjetër nuk ka të drejtë të takohet dhe të bisedojë për rregullimin e brendshëm të Kosovës me zyrtarët serbë. Ata janë duke qëndruar ilegalë në Kosovë dhe në rastin e parë do të ballafaqohen me ligjin e Republikës së Kosovës, për shkak të nxitjes së dhunës, motivimit dhe mbahen përgjegjës direkt nga institucionet e Republikës së Kosovës për dhunën e shkaktuar në Kosovë”, ka thënë kryeministri Thaçi.

Thaçi ka falënderuar KFOR-in për mbështetjen e vazhdueshme që ka dhënë këtyre ditëve.

Ndërsa për EULEX-in ka thënë se ka obligim të respektojë Kushtetutën, ligjet e Kosovës, institucionet e Kosovës, dokumentin e Ahtisarit.

Në këtë drejtim Thaçi, ka thënë se pret një fillim të ndryshimit të qasjes së EULEX-it në raport me rendin dhe ligjin, në mënyrë që definitivisht ta kuptojë se rendi dhe ligji duhet të funksionojnë në tërë territorin e Kosovës.

Shefi i eksekutivit ka bërë të ditru se kontrabanda në pjesën veriore të Kosovës është bllokuar qind për qind, ndërkaq është vënë kontrolli i plotë në dy pikat kufitare 1 dhe 31.

Ai ka folur edhe për qëndrimin e zyrtarëve politike serb gjatë këtyre ditëve në veri.

Sipas tij ata se janë duke qëndruar ilegalisht në Kosovë, ndërsa ka theksuarse në të ardhmen do të ballafaqohen me ligjin.

Kryeministri i vendit u ndal edhe tek veprimet a bandave serbe sidomos pas djegies së pikës 1, ndërsa ritheksoi se ky veprim ishte i organizuar mirë nga zyrtarët e lartë në Serbi.

“Kosova do të ballafaqohet me mbeturinat paramilitare”,  ka deklaruar Thaçi.

Ai bëri të ditur se ka nisur riparimin i dëmeve nga kjo pikë kufitare ndërsa aty sipas tij do të kthehen shpejt policia dhe doganierët kosovarë.

Thaçi ka thënë se institucionet e Republikës së Kosovës më në fund pas 12 vjetësh kanë vënë rregull dhe ligj në kufirin verior me Serbinë.