Vdes nga infarkti, ikona e muzikës pop, George Michael

Një nga hitet e tij ishte “Last Christmas” një këngë kushtuar krishtlindjeve. Dhe, për ironi të fatit, këto ishin edhe Krishtlindjet e fundit të jetës së tij

Ikona e muzikës pop, George Michael ka ndërruar jetë të dielën në shtëpinë e tij në Goring, Oxfordshire në Angli. Ai vdiq nga infarkti.

Një nga hitet e tij ishte “Last Christmas” një këngë kushtuar krishtlindjeve. Dhe, për ironi të fatit, këto ishin edhe Krishtlindjet e fundit të jetës së tij.

Këngëtari dhe kompozitori i famshëm vdiq në moshën 53 vjeçar.

Sipas zëdhënësit të tij ai vdiq i qetë në shtëpinë e tij.

Zëdhënësi, ka kërkuar që në emër të familjes së tij të respektohet privatësia në këtë kohë të vështirë. Gjatë kësaj kohe ata nuk dëshirojnë të japin komente të tjera.

Mirëpo më vonë u bë e ditur se vdekja e tij erdhi nga sulmi në zemër – infarkti.

Michael u bë i famshëm në vitet e 80-ta me duetin Wham!

Më pas, ai filloi një karrierë të suksesshme solo. Gjatë karrierës së tij pothuaj 40-vjeçare, ai ka shitur më shumë se 100 milionë albume në mbarë botën.

Në nëntor, Michael përfundoi dokumentarin “Freedom”, i cili do të lansohet në mars të vitit 2017.