2.6 miliardë përdorues të “smartfon”-ëve në vitin 2017

Përfaqësimi i tillë i telefonave celularë po çon në ndryshime të mëdha në shumë sfera të jetës, veçanërisht në komunikim, argëtim, arsim, biznes, reklama

Në momentin që po hyjmë në vitin 2017, 2.6 miliardë njerëz do të jenë duke përdorur telefonat e mençur. Në fakt bëhet fjalë për një të tretën e popullsisë së botës.

Përfaqësimi i tillë i telefonave celularë po çon në ndryshime të mëdha në shumë sfera të jetës, veçanërisht në komunikim, argëtim, arsim, biznes, reklama, thuhet në një deklaratë nga agjencia zvicerane softuerike Namics, përcjell albinfo.ch.

Sipas “Hostingfacts.com”, shumë më tepër janë ata që hyjnë në internet përmes smartphones (52.7 për qind) sesa përmes desktopit, ndërsa katër nga pesë përdoruesit e smartfonëve vendosur për të  bërë edhe blerjet nëpërmjet smartfonëve.

Ndryshimi i zakoneve i shkaktuar nga ky revolucion teknologjik çoi në zhvillimin e biznesit të telefonave celular të njohur si “M-Commerce”.

“Hulumtimet tregojnë se i ashtuquajturi “m-commerce” po rritet më me shpejtësi se “e-commerce”, respektivisht deri në 200 për qind më shpejtë. Kështu që më shumë janë ata që i vendosin shërbimet dhe produktet e tyre të ofruara për konsumatorët në platforma të lëvizshme”, shpjegon Catherine Simon nga agjencia zvicerane për zhvillim të softuerëve dhe aplikacioneve të biznesit celular.