Treshja shqiptaro-serbe arrestohet për drogë në Vjenë

Aty u gjetën 8,3 kilogram marihuanë, të mbështjellë në një qese të bardhë në një bagazh. Vlera e drogës ishte rreth 80,000 euro

Tre persona janë arrestuar në Vjenë të Austrisë pasi kishin sjell sasi të mëdha të drogës nga Shqipëria për në Vjenë. Në bagazhin e një automjeti është gjetur marihuanë në vlerë rreth 80,000 euro, shkruan orf.at, përcjell “albinfo.ch”.

Treshja shqiptaro –serbe prej muajsh kishin shitur në Vjenë kanabis dhe kokainë. Droga është sjellë nga Shqipëria me vetura të ndryshme. Të tre personat të moshës 41, 48 dhe 59 vjeçarë, janë arrestuar një ditë para Krishtlindjes.  Po ashtu janë bastisur tri shtëpi në Vjenë si dhe janë kontrolluar tri veturat e të arrestuarve.

Vetura u zbulua nga polici i parkimeve

Prej javësh dhe muajsh zyrtarët policorë ishin duke i vëzhguar, megjithatë ata e dinin se tregtarët kishin përdorur një veturë tjetër për turnet e tyre. Vetura ishte vënë në vëzhgim dhe më vonë u zbulua nga një polic i parkingjeve në Flötzersteig  të Penzingut në Vjenë.

“Një qen policor e zbuloi menjëherë” , ka thënë zëdhënësi i policisë Thomas Keiblinger. Aty u gjetën 8,3 kilogram marihuanë, të mbështjellë në një qese të bardhë në një bagazh.  Vlera e drogës ishte rreth 80,000 euro.  Se sa kanë mundur të kontrabandojë deri më tash drogë kjo treshe në Vjenë, janë duke u zhvilluar hetimet.