Fun
Miliarderët shtojnë pasurinë me 237 miliardë dollarë në 2016-ën
Pas të dhënave zhgënjyese ekonomike nga Kina në fillim të këtij viti, referendumi britanik për të ikur nga Bashkimi Evropian (BE) dhe zgjedhja e miliarderit amerikan, Donald Trump, për president të SHBA-së, pasuria e miliarderëve ka kaluar në vlerë neto prej 4.8 trilionë. Bilanci në fund të vitit ende tregon një rritje prej 5.7%, ka treguar indeksi i “Bloomberg”-ut për miliarderët.
Me rritjen e pasurisë, Warren Buffett-it i shtohet me 11.8 miliardë pasuria për këtë vit me kompaninë e tij për investime “Berkshire Hathaway Inc”. Pas zgjedhjes së presidentit të SHBA-së u rrit pasuria e Buffett me mbi 19%, në 74.1 miliardë, duke u bërë njeriu i dytë më i pasur në botë.
Të dhënat tregojnë se shumica e fitimeve shkojnë në duart e amerikanëve, të cilët janë katër nga pesë rritjet më të mëdha në indeks, duke përfshirë edhe themeluesin e “Microsoft Corp”, Bill Gates, njeriu më i pasur në botë, me një pasuri që arrin në 91.5 miliardë. Krahas tij është manjati i naftës, Harold Hamm.
Në fakt, shumica e të pasurve e kundërshtojnë zgjedhjen e Trump për president, duke përfshirë edhe miliarderin e ekipit të basketbollit Dallas Mavericks, Mark Cuban, i cili tha se rezervat kanë shënuar rënie me 20% pas fitores së Trumpit.
Biznesmeni francez, Bernard Arnault, pronar i kompanisë “LVMH”, është i vetmi joamerikan në top 5-shin e të pasurve me rritjen më të madhe të pasurisë në vitin 2016. Pasuria e tij është rritur gjatë vitit me 7.1 miliardë, në 38.9 miliardë.
Bill Gates mbetet njeriu më i pasur në botë. Sipërmarrësi spanjoll dhe themeluesi i dyqaneve zinxhir “Zara”, Amancio Ortega, është njeriu më i pasur në Evropë. Ai ishte i dyti më i pasur në botë, para Buffettit. Pra, Ortega tani zë vendin e tretë me asete me vlerë 71.2 miliardë dollarë.
Pasuria e miliarderit të naftës, Harold Hamm, është mbështetur nga rritja e çmimeve të “arit të zi”. Ai është i pari me pasuri në mesin e 49 miliarderëve në fushën e energjisë, metaleve dhe minierave me rritjen e pasurisë së përgjithshme në vlerë prej 80 miliardë dollarësh në krahasim me 32 miliardë në vitin 2015.
Të tjera nga Fun
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse