Publikohet fotografia zyrtare e Qeverisë së Zvicrës

Ajo prezanton shtatë anëtarët e qeverisë (ministrat) dhe kancelarin federal Thurnherr në një portretim nga afër, bardh-zi. Lart në të djathtë qëndron presidentja e porsazgjedhur e Federatës, Doris Leuthard

Foto: admin.ch

Duke ndjekur traditën e stabilizuar tashmë, Këshilli Federal i Zvicrës edhe në këtë fund viti ka publikuar fotografinë e vet grupore, që konsiderohet zyrtare për vitin 2017. Ndryshe nga fotografitë e deritashme, kjo më e reja më shumë ngjan me një fletëpalosje të ndonjë shfaqjeje teatrale se sa me një fotografi zyrtare të qeverisë, komentojnë mediat zvicerane.

Ajo prezanton shtatë anëtarët e qeverisë (ministrat) dhe kancelarin federal Thurnherr në një portretim nga afër, bardh-zi, përcjell albinfo.ch. Lart në të djathtë qëndron presidentja e porsazgjedhur e Federatës, Doris Leuthard, dhe fare afër saj, në të majtë është nënpresidenti, Berset.

Fytyrat e gjashtë burrave dhe dy grave imponohen me bardhësi ndërkohë që veshjet e tyre shkrihen në sfondin e zi të fotografisë.

Autor i fotografisë zyrtare është Beat Mumenthaler, i specializuar për realizimin e portreteve autentike.

“Unë kam synuar të krijoj afërsi dhe që personalitetet t`i vendos në fokus në mënyrë individuale”, ka thënë Mumenthaler.