Zvicra nuk do të jetë e pranishme në samitin e ardhshëm në Kanë të G20-ës

Samiti i ardhshëm i G20-ës, i cili bashkon ekonomitë kryesore të botës, do të zhvillohet përsëri pa praninë e Zvicrës. Sekretariati i Shtetit për Çështjet Ekonomike (SECO) ka konfirmuar mosprezencën e Zvicrës për mediat zvicerane.

Në vend  të Zvicrës presidenti francez, Nikolas Sarkozi, zgjodhi të ftojë Singaporin në samitin e G20-ës, i cili do të mbahet në nëntor në Kanë (Francë). Qyteti i shtetit aziatik kishte marrë ftesën që nga takimi i mëparshëm i këtij samiti, kur u mbajt në Seul (Koreja e Jugut).

Prej muajsh Zvicra, e para për nga qëndresa financiare për menaxhimin e pronës, bisedon në prapaskenë me vendet joanëtare të G20-ës me qëllim që të rrisë ndikimin e saj. Në margjinat e konferencës së Organizatës për Bashkëpunim dhe Zhvillim Ekonomik (OBZHE) në Paris, ajo ka organizuar më 5 maj takimin e parë me këto shtete që janë jashtë grupit 20.

Më këtë rast, një duzinë vendesh morën pjesë, duke përfshirë edhe Norvegjinë, Holandën, Suedinë si dhe Kosta Rikën, tregon Antje Baertsch, zëdhënëse për SECO. Ndërsa një tjetër takim i tillë do të mbahet para se të fillojë samiti i Kanës.   

Prej muajsh Nikolas Sarkozi i kishte premtuar Zvicrës se do të integrohej në vendimet e samitit G20. Presidenti francez, megjithatë, përjashtonte pjesëmarrjen e drejtpërdrejtë në krye të samitit. Për t’u siguruar për integrimin e saj, SECO ka organizuar disa takime me “treshën”, siç janë presidenca e kaluar, e tashme sdhe ajo e ardhme e G20-ës.

Objektivi i kësaj ofensive ka pasur për qellim parandalimin e asaj që ndodhi më 2009, kur Zvicra, pa u konsultuar, është vënë në listën e hirtë të parajsave (strehë) të taksave nga OBZHE-ja me porosinë e G20-ës.