Pacolli paguan për lirimin e Haradinajt

Pacolli u prononcua dy herë: njëherë se prapë do t’i ofronte përkrahje familjes Haradinaj dhe, herën tjetër, kur opinionit ia bëri të njohura konkluzionet nga takimi me kryetarin e Parlamentit të Shqipërisë, Ilir Meta

(AP Photo/Jean-Francois Badias)

Pacolli, i cili njihet si shqiptari më i pasur, pasurinë e tij po e vë në funksion të lirimit të Haradinajt, shkruan B92 e Beogradit.

Aty thuhet : « Ish-presidenti i shqiptarëve të Kosovës po paguan para së gjithash grupet e lobimit, të cilat do të duhej të bënin presion mbi politikanët francezë, por edhe për fillimin e fushatës mediale në favor të Hradinajt ».

Burgosja e Haradinajt e preokupon Pacollin, i cili dy ditë pas burgosjes së tij, në faqen e tij zyrtare të facebook-ut, deklaroi se « përkrah protestën e qetë të qytetarëve të Kosovës kundër burgosjes së ish-kryeministrit të Kosovës në bazë të fletarrestimit serb », përcjell albinfo.ch.

Pacolli brenda të njëjtës ditë u prononcua dy herë: njëherë se prapë do t’i ofronte përkrahje familjes Haradinaj dhe, herën tjetër, kur opinionit ia bëri të njohura konkluzionet nga takimi me kryetarin e Parlamentit të Shqipërisë, Ilir Meta, ku ndër të tjera theksoi se “Franca po punon për lirimin e Hradinajt”.

Pacolli u shpreh i dëshpëruar “me Parlamentin  e Kosovës, i cili nuk arriti të votojë rezolutën për Ramush Haradinajn. “Në fund ranë të gjitha bisedat dhe premtimet . Kjo është situata reale” , theksoi Pacolli sipas “Blic”.

Përkthimi: Nexhmedin Gerguri