Gjendet i vdekur në burg 25 vjeçari

Trupin e pajetë të tij e kanë gjetur dy gardianë të burgut rreth orës 23.15 të natës së mbrëmshme (e diele), bën të ditur Policia e Kantonit Vaud

Sot, në burgun në Orbe (Kantoni Vaud) është gjetur i vdekur një person 25 vjeçar që po mbahej aty në burg. Sipas njohurive të para të autoriteteve, i riu ka varur veten, njofton srf.ch.
Trupin e pajetë të tij e kanë gjetur dy gardianë të burgut rreth orës 23.15 të natës së mbrëmshme (e diele), bën të ditur Policia e Kantonit Vaud, transmeton albinfo.ch. Mjeku i emergjencës i alarmuar, ka mundur të bëjë vetëm konstatimin e vdekjes së të burgosurit.
Tashmë i ndjeri është gjetur në pjesën e mbyllur të burgut.

Prokuroria publike konsideron se në këtë rast, sipas gjendjes deri tash të njohur, përjashtohet veprimi i personave të tretë. Ajo ka iniciuar hetimet.