Tematike
Qeveria hap shqyrtimin rreth kundërpropozimit për iniciativën “Rasa”
Iniciativa “Rasa” (Raus aus dem Sackgasse/Jashtë nga qorrsokaku) synonte që të hiqej nga kushtetuta federale neni 121a, i cili qe futur si rezultat i iniciativës së SVP-së kundër migrimit masiv, në votimin e bërë më 9 shkurt 2014
Pasi që në janar të vitit që shkoi, Këshilli Federal kishte bërë dy propozime për kundërpropozimin në lidhje me iniciativën “Rasa”, ai sot ato ia ka kaluar parlamentit për shqyrtim.
Iniciativa “Rasa” (Raus aus dem Sackgasse/Jashtë nga qorrsokaku) synonte që të hiqej nga kushtetuta federale neni 121a, i cili qe futur si rezultat i iniciativës së SVP-së kundër migrimit masiv, në votimin e bërë më 9 shkurt 2014. Me këtë do të anulohej edhe iniciativa e votuar, thuhet në një komunikatë të publikuar sot nga Këshilli Fderal i Zvicrës.
Sigurisht, kërkesa e bërë nga komiteti i iniciativës Rasa kundërshtohet nga Këshilli Federal, transmeton albinfo.ch. Dhe, si alternativë ai ka përpunuar dy propozime për një kundërpropozim të drejtpërdrejtë. Rreth tyre tash mund të marrin qëndrim partitë, kantonet dhe grupet e interesit.
Versioni i parë parasheh që neni 121a të plotësohet me një pasus ku do të shkruhet në çështjen e migracionit “do të kihen parasysh marrëveshjet ndërkombëtare që kanë rëndësi të madhe për pozitën e Zvicrës në Evropë”. Ndërsa propozimi i dytë nuk do ta ndryshonte nenin e përmendur por do të heqë dispozitën kalimtare sipas të cilës iniciativa duhet të zbatohet brenda tri viteve nga votimi.
“Këshilli Federal është i mendimit se Zvicra ka nevojë edhe më tutje për marrëdhënie të mira dhe stabile me BE-në dhe për këtë arsye marrëveshjet bilaterale duhet të vazhdojnë të veprojnë”, i arsyeton qeveria dy variantet e saj të kundërpropozimit.
Procedura e shqyrtimit zgjat deri më 1 mars 2017. Kjo procedurë e shkurtuar është imponuar me faktin se qëndrimi lidhur me iniciativën Rasa duhet të merret deri në fund të prillit të këtij viti.
Të tjera nga Tematike
E-Diaspora
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
-
Mërgimtaren Fikrije Salihun e rikthen profesioni në atdhe, pas 30 vjetësh
Jeta në Zvicër
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Numri i punëtorëve ndërkufitarë në Zvicër është rritur
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë