Dëbohet i riu nga Maqedonia, frikësohet nga hakmarrja

19-vjeçari kishte ardhur në Gjermani më 10 nëntor 2015 së bashku me nënën, tre motrat e vëllezërit, kurse tani frikësohet se është pre e hakmarrjes

Gjermania nuk lëshon pe sa i përket azilkërkuesve. Vendet e Ballkanit kanë hyrë në mesin e vendeve me origjinë të sigurta dhe familjet nga këto shtete vazhdojnë të dëbohen çdo ditë nga Gjermania.

Këtë fat e ka përjetuar edhe Nasir M. nga Maqedonia, i cili është 19-vjeçar kishte filluar të punojë si praktikant në një gazetë në Gjermani, megjithatë, ai është kthyer në vendlindje, shkruan ‘schwaebische.de’.

19-vjeçari kishte ardhur në Gjermani më 10 nëntor 2015 së bashku me nënën, tre motrat e vëllezërit, kurse tani frikësohet se është pre e hakmarrjes. “Para disa viteve ka ndodhur një vrasje në Ferizaj dhe për këtë shkak gjyshi im është arrestuar dhe është dënuar me 6.5 vjet burg, megjithatë, pas lirimit kishim probleme me familjen e viktimës pasi kërkon hakmarrje”, ka thënë 19-vjeçari, i cili i frikësohet të ardhmes në Maqedoni, përcjell albinfo.ch.

Ai është integruar mjaft mirë. Ka bërë progres në gjuhën gjermane dhe nuk ka shkaktuar asnjë problem. I riu nga Maqedonia gjithashtu filloi punën si praktikant në gazetën gjermane “Schwaebische Zeitung”.