Me mbështetjen e Zvicrës bëhen bashkë ciceronët turistikë në Maqedoni

Asociacioni i udhërrëfyesve turistikë të Maqedonisë, me rastin e Ditës Ndërkombëtare të udhërrëfyesve turistikë, ka promovuar një ueb-regjistër dixhitale të udhërrëfyesve aktivë dhe të kualifikuar turistikë të vendit.

Projekti është mbështetur nga Programi për rritjen e punësimit të tregut (Increasing Market Employability – IME), raportojnë mediat nga Shkupi, përcjell albinfo.ch.

Platformën online mund ta përdorin operatorët turistikë dhe turistët për kryerjen turneve të organizuara me ciceronë aktivë.

Ky regjistër përfshin të gjithë llojet e udhërrëfyesve turistikë dhe përmban të dhëna për kualifikimin dhe certifikimin e ciceronëve, gjuhët që flasin, llojin e turneve që udhëheq, rajonin në të cilin punon si dhe informacionet e kontaktit.

Regjistri tashmë ka rreth 350 udhërrëfyes turistikë, por siç tha ajo, dihet se në Maqedoni ka rreth 790 ciceronë të regjistruar në Asociacionin e Ciceronëve dhe rreth njëqind ciceronë të turizmit malor.

Regjistri, i cili deri më tani ka regjistruar rreth 350 udhërrëfyes turistikë, në të ardhmen do të duhet të rritet në platformë interneti në të cilën ciceronët do të kenë mundësi për komunikim të ndërsjellë dhe shkëmbim të përvojave dhe informacioneve nga terreni.

Programi për rritjen e punësimit të tregut (Increasing Market Employability – IME) është program i agjencisë zvicerane për zhvillim dhe bashkëpunim (SDC).