Shkurt.ch
Zvicra pritet të lejojë sërish detektivët kundër abuzimit me sigurimet sociale
Këshilli Federal propozon që personat e dyshuar të mund të përgjohen vetëm kur ndodhen në ndonjë vend publik. Pastaj përgjimi mund të bëhet më së gjati për 20 ditë brenda një periudhe prej tre muajsh
Në rastet kur zyrtarët e një sigurimi social kanë dyshime se kontributet e tyre i janë paguar dikujt pa të deejtë, ata në të ardhmen do të kenë sërish të drejtë të angazhojnë detektivë socialë. Këshilli Federal (qeveria) ka dërguar për shqyrtim në parlament një ndryshim të të drejtës për sigurime sociale.
Si shkak për këtë ndryshim ligji ka shërbyer një vendim i marrë vitin e kaluar nga Gjykata Evropiane për të Drejtat e Njeriut në Strasburg. Gjykata në fjalë ka pasur vërejtje mbi bazën e pamjaftueshme ligjore që ka ndjekur Zvicra me rastin e vëzhgimeve të detektivëve ndaj të dyshuarve për abuzim me ndihmat sociale ose të invaliditetit.
Këshilli Federal propozon që personat e dyshuar të mund të përgjohen vetëm kur ndodhen në ndonjë vend publik. Pastaj përgjimi mund të bëhet më së gjati për 20 ditë brenda një periudhe prej tre muajsh.
Në vitin 2015 sigurimi i Invaliditetit kishte iniciuar hetime për dyshim lidhur me abuzimin e sigurimit dhe 1940 raste i kishte përmbyllur. Dyshimet ishin konfirmuar në 540 raste. Nga këto zbulime rezulton të jenë kursyer 154 milionë franga ndërsa kostoja e pagesës së detektivëve ka qenë rreth 8 milionë franga.
Qeveria po ashtu kërkon të sigurohet që në rastet e zbuluara si abuzime, t`u ndërpritet ndihma personave abuzues. Ndërsa aktualisht ato ndërpriten vetëm në rastet kur i dyshuari ndodhet në burg.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm