Nga Evropa në SHBA, fluturime për vetëm 65 dollarë

Linja ajrore norvegjeze “Norvigan” planifikon të realizojë fluturime transatlantike me çmime të ulëta midis Evropës dhe Shteteve të Bashkuara, në 10 destinacione të reja, çmimi i të cilave do të jetë rreth 65 dollarë, e cila do të “shtrydhë” konkurrentët amerikanë dhe evropianë, thonë në këtë kompani.

Linja ajrore do të zgjerojë rrjetin e saj të fluturimeve në Shtetet e Bashkuara që nga mesi i qershorit, dhe linjave ajrore amerikane tani do t’u duhet të përqëndrohen në uljen e çmimeve që të jenë në gjendje të konkurrojnë me “Norvigan” dhe kompaninë islandeze “Wow Air “, transmeton albinfo.ch.

Bileta nga 65 dollarë mund të blihen për fluturime nga Irlanda dhe Britania e Madhe në aeroportet më të vogla në shtetet New York, Rhode Island dhe Connecticut.

Destinacionet përfshijnë qytete të tilla, si Belfast në Irlandën Veriore, Dublin dhe Shannon në Irlandë dhe Dinburg në Skoci.