Shoferi i autobusit godet kosovarin dhe e fyen në baza etnike

Fillimisht në mes tyre pati një këmbim fjalësh. Pastaj shoferi e goditi kosovarin në krahë dhe e ofendoi atë duke përdorur shprehje fyerjeje në bazë etnie

Një shofer 50 vjeçar autobusi nga qyteti Dülmen i Gjermanisë duhet të përgjigjet para gjyqit për një fyerje në bazë etnike që i ka bërë një kosovari. Fyerja ka ndodhur të enjten në një stacion autobusi në Osterwick, shkruan azonline.de.

Shoferi duket të ketë qenë i zemëruar me kosovarin nga Rosendali, i cili kishte ndaluar makinën në vendin e ndalimit të autobusit, transmeton albinfo.ch. Fillimisht në mes tyre pati një këmbim fjalësh. Pastaj shoferi e goditi kosovarin në krahë dhe e ofendoi atë duke përdorur shprehje fyerjeje në bazë etnie. Për më tepër, ai bëri  në drejtim të tij një lëvizje të dorës që kuptohet si therje në fyt.

Kundër shoferit është iniciuar procedurë penale.