Bisedimet për pensionet zvicerane të kosovarëve kryhen në qershor!

Televizioni zviceran ka realizuar një bisedë me zyrtarin nga Kosova, Drin Haraçija, i cili flet për masat që institucionet kosovare po marrin për të fituar besimin e palës zvicerane, që të rivendoset marrëveshja

Zvicra dhe Kosova janë duke negociuar lidhjen e marrëveshjes së re për sigurimet sociale. Kjo do të mundësojë që pensionet zvicerane të mund të barten sërish në Kosovë.

Televizioni zviceran në këtë kontekst e ka realizuar një bisedë me zyrtarin nga Kosova, Drin Haraçija, i cili flet për masat që institucionet kosovare po marrin për të fituar besimin e palës zvicerane, që të rivendoset marrëveshja.

“Përfaqësues të SVP-së janë skeptikë ndërsa Prishtina reagon me një ofensivë për kthimin e besimit”, shkruan srf, transmeton albinfo.ch.   Në vitin 2010 Zvicra pati shkëputur Marrëveshjen e sigurimit social me Kosovën, veç tjerash edhe për shkak të akuzave për mashtrim, abuzim me to nga ana e kosovarëve. Nga ajo kohë, kosovarët e pensionuar ishin të detyruar të vazhdonin të qëndronin në Zvicër që të mund t`i gëzonin pensionet.

Ndërkaq, gastarbajterët kosovarë do të mund të vijnë në shtëpi. “Edhe për shkaqe ekonomike. Ata i sjellin të ardhurat me vete në Kosovë”, shpjegon Drin Haraqia, përcjell albinfo.ch. Ai po e përfaqëson Prishtinën gjatë bisedimeve në Bernë.

Deputeti nga SVP Maximilian Reimann, e ka kushtëzuar votimin e tij pro kësaj marrëveshjeje me një klauzolë kundër abuzimit. Ndërsa Haraqia thotë se s nuk ka nevojë për diçka të tillë. “Ne tashmë e kemi një kornizë ligjore dhe i realizojmë kontrolleet në mënyrë të rregullt, në vend të ngjarjes. Ne i marrim informatat kur ndonjëri prej tyre vdes dhe pastaj e ndërprejmë pagesën”.

Negociatat duhet të përmbyllen në fund të qershorit. Pastaj radhën për të vepruar e kanë parlamentet në Prishtinë dhe në Bernë, thuhet në fund të emisionit.

Në këtë link mund të shikohet biseda me zyrtarin kosovar:

https://www.srf.ch/news/schweiz/kosovo-bekaempft-den-sozialmissbrauch#