Shkurt.ch
Qeveria njihet me raportin për luftimin e terrorizmit xhihadist
Në këtë plan veprimi do të përfshihen masat përmes të cilave mund të bëhet luftimi i radikalizmit dhe terrorizmit. Rol qendror në këtë pikë ka synimi që njerëzit të largohen nga orientimi i tyre radikal
Federata, kantonet dhe komunat synojnë veprim müe të fuqishëm kundër terrorizmit. Për të realizuar këtë synim, ato zotohen që deri në fund të këtij viti të prezantojnë një plan veprimi. Kjo zthuhet në raportin e grupit profesional kompetent në nivel të federatës, me emrin Tetra.
Në këtë plan veprimi do të përfshihen masat përmes të cilave mund të bëhet luftimi i radikalizmit dhe terrorizmit. Rol qendror në këtë pikë ka synimi që njerëzit të largohen nga orientimi i tyre radikal, thuhet veç tjerash në raport.
Ekspertët federalë të fushës, kërcënimin më të madh e shohin te sulmet që mund të realizohen me angazhim të vogël logjistik. Ndërsa si kryes të sulmeve të tilla ata i shohin personat e radikalizuar dhe ata që janë kthyer nga xhihadi.
Sipas raportit, rreziku nga terrori islamik nuk është zvogëluar edhe përkundër faktit se ISIS-i po humb territore
Në raportin posa të publikuar të Tetra-s që është i treti me radhë thuhet se në luftimin e terrorizmit nuk duhet kufizuar vetëm në masat e marra nga organet e shtetit. E gjithë shoqëria është e sfiduar për të vepruar kundër këtij rreziku.
Ndërkaq, Zvicra në këtë drejtim angazhohet edhe në rrafshin ndërkombëtar. Ajo mbështet veç tjerash edhe zbatimin e strategjisë globale të OKB-së për luftimin e terrorizmit nga viti 2006 si dhe planin e veprimit të OKB-së nga viti 2016 për parandalim të ekstremizmit të dhunshëm.
Deri më tash Prokuroria Federale e Zvicrës ka iniciuar rreth 60 ndjekje penale kundër personave, organizatave dhe subjekteve tjera të cilat i janë bashkuar të ashtuquajturit “Shtet Islamik” ose që kanë marrë hapa në atë drejtim. Ndërsa Shërbimi i Sigurisë së Shtetit (NDB) ka numëruar deri tash 81 persona që kanë shkuar nga Zvicra për të marrë pjesë në xhihad. 30 prej tyre kanë pasur pasaportë zvicerane. 60 raste janë verifikuar ndërsa në 21 të tjera bëhet fjalë për dyshime.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut