Integrimi
UPSH, takim për “Personat pa letra” dhe pasdite kulturore shqiptare
UPSH i Gjenevës, në bashkëpunim me partnerë institucionale dhe shoqërinë civile, organizon, në muajin mars, dy aktivitete të cilat kanë në qendër të vëmendjes shqiptarët e Gjenevës
Universiteti Popullor Shqiptar (UPSH) i Gjenevës, në bashkëpunim me partnerë institucionale dhe shoqërinë civile, organizon, në muajin mars, dy aktivitete të cilat kanë në qendër të vëmendjes shqiptarët e Gjenevës, thuhet në një njoftim për media, të dërguar nga UPSH.
Aktiviteti i parë ka të bëjë me personat pa letra që jetojnë në Gjenevë. “Sikurse e keni ndjekur përmes shtypit, në Gjenevë ka filluar një aksion masiv i rregullimit të dokumentave për personat që jetojnë dhe punojnë në Zvicër pa letra. Kushtet e pranimit të dosjes janë të shumta dhe detajet kanë rëndësi vendimtare. UPSh ju vë në kontakt me personat përgjegjës në Gjenevë për shqyrtimin e dosjeve dhe ju ofron një seancë informimi në gjuhën shqipe”, thuhet më tutje në njoftim.
Gjatë kësaj seance, do t’ju jepen hollësi në shqip mbi kushtet që duhet të plotësojë dosja juaj. Do të keni mundësinë të bëni pyetje me përkthim në shqip, me qëllim që ta kuptoni më së miri thelbin e procedurës dhe të mos e vini veten në rrezik duke bërë kërkesë të ngutur dhe as të mos keni nevojë të harxhoni në pagesat e avokatëve për procedurën e ashtëquajtur Papyrus. Ky mund të jetë një rast i mirë edhe për punëdhënësit( patronët) të cilët janë po ashtu të prekur nga procesi”.
Takimi mbahet më 17 mars 2017, ora 19.00 në Maison de Associations. (Fletushka në shtojcë ju jep më tepër sqarime)
Ndërsa aktiviteti i dytë ka të bëjë me identitetin kombëtar dhe kulturën shqiptare. “Në bashkëpunim me Agenda 21 të qytetit të Gjenevës, dhe bibliotekën e Eaux Vives, nën përkujdesjen e Ambasadorit të Shqipërisë Z. Ilir Gjoni, sjellim para jush një pasdite kulturore shqiptare, e parashikuar të ngjallë interesimin e fëmijëve, të rinjve dhe çdo gjenerate. Fëmijët tanë të lindur këtu, shpesh kompleksohen prej ndjenjës së inferioritetit pasi nuk e njohin sa duhet kulturën e pasur shqiptare me të cilën mund të mburren para moshatarëve të tyre. Kjo pasdite, mund të jetë një rast i mirë që familjet t’i servirin fëmijëve çelësat e njohjes së kulturës dhe trashëgimisë së pasur shqiptare. Në program do të ketë: përralla, lojëra, koncert, specialitete shqiptare e të tjera. Mos ngurroni ta shpërndani këtë informacion pranë gjithë atyre që mendoni se janë të interesuar” thuhet në fund të njoftimit.
Info rreth ngjarjes
- Data e fillimit17 Mars 2017
- Ora19:00
- LokacioniGjenevë
- Data e përfundimit15 Mars 2017 - 18:00
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h