Aleanca Kuq e Zi kundër procesit të regjistrimit në Shqipëri

Aleanca Kuq e Zi në prag të nisjes së regjistrimit të popullsisë dhe banesave në Shqipëri ka ashpërsuar gjuhën kundër këtij procesi

Kjo organizatë duke kundërshtuar regjistrimin mbi bazë feje dhe etnie ka kërkuar që qytetarët të refuzojnë të përgjigjen për këtë pyetje pasi sipas tyre kjo rrezikon të çojë në tensione mes komuniteteve fetare, njoftojnë mediet në Shqipëri.

“Të zbatohet vendimi i Gjykatës Kushtetuese. Grisni pyetjet për etninë dhe fenë në formular. Berati është shembull i bashkëjetesës ndërfetare”, kanë deklaruar përfaqësues të saj nga një tubim në qytetin e Beratit.

Gjykata Kushtetuese në Shqipëri shfuqizoi katër nenet e ligjit për Gjendjen Civile për përcaktimin e elementit të Kombësisë dhe mënyrës së ndryshimit të saj.

Regjistrimi i popullsisë në Shqipëri pritet të nisë me 1 tetor.