Abetarja për nxënësit e Luginës së Preshevës, pa simbole kombëtare!

Ambasadori shqiptar në Beograd Shpëtim Çaushi, jep pëlqimin që Abeterja të reprodukohet, duke larguar simbolet nacionale dhe shtetërore

Abetarja në gjuhën shqipe e cila iu dhurua nxënësve nga Lugina e Preshevës me 14 shtator, dhe nga e cila do të mësojnë filloristët, iu janë heqë simbolet kombëtare dhe ato shtetërore.

Në një faks, të cilin e posedon redaksia e Presheva.com, e cila është dërguar nga Ambasadori i Republikës së Shqipërisë i akredituar në Beograd Shpëtim Çaushi, jep pëlqimin që “Abeterja dhe fletorja punuese të reprodukohet, duke larguar simbolet nacionale dhe shtetërore”.

Kjo letër iu është dërguar Ministrisë së Arsimit dhe Shkencave të Republikës së Serbisë në muajin prill të vitit 2011.

Qeveria e Republikës së Shqipërisë me këtë rast, duke respektuar standardet e lartpërmendura, ka premtuar se do të dhurojë një mijë abetare për nxënësit shqiptarë nga Presheva, Bujanoci dhe Medvegja.