Humbet pa gjurmë shqiptarja Time Kraki

Në orën 17 ajo niset për në shtëpi, te tre fëmijët e vegjël që e prisnin. Por, që nga ajo ditë, Timen nuk e ka parë më askush

Pasditen e të shtunës, shqiptarja 30 vjeçe nga Kosova, Time Kraki, ashtu si çdo ditë, ksihte shitur gështenja dhe fruta në stendën që ka në zonën e këmbësorëve në Wiesn (sheshin ku mbahet festa e njohur Oktoberfest, në Munih).

Në orën 17 ajo niset për në shtëpi, te tre fëmijët e vegjël që e prisnin. Por, që nga ajo ditë, Timen nuk e ka parë më askush.

Mbrëmjen e të shtunës, bashkëshorti i merakosur ka njoftuar policinë për humbjen e të shoqes. Telefonata e fundit e Times ishte bërë në orën 20, njofton policia. Lokalizimi ka treguar se thirrja është bërë nga njëmend në afërsi të Theresienwiese. Mbetet mister nëse Timja, pas përfundimit të punës donte të bënte një shëtitje në sheshin e Oktoberfest-it. Humbje femrash gjatë ditëve të festës së madhe të Bavarisë ndodhin çdo vjet.

 Timja përshkruhet nga policia si grua atraktive por e përkushtuar dhe e lidhur me familjen.

E enjtja ishte dita e gjashtë qëkur ka humbur çdo gjurmë nga nëna 30 vjeçare e tre fëmijëve. Shefi i saj, i pikëlluar thotë: “Ajo ishte punëtorja ime më e mirë!” Ai ashtu si dhe bashkëshorti dhe tre fëmijët (9, 11 dhe 13 vjeç) presin në ethe kthimin e Times.

Ata që e shohin ose kanë indikacione tjera për Time Krakin mund të njoftojnë policinë në Fürstenfeldbruck. Tel. 08141 / 612 - 0.