Ndihma zvicerane në ujëra, 100 milionë euro

Shteti i Zvicrës, nga viti 1999 deri më 2016 ka investuar 70 milionë euro në zonat rurale dhe zonat urbane në Kosovës. Ndërsa deri në vitin 2020 planifikon t’i investojë edhe 30 milionë të tjera

Foto ilustrim

Qeveria e Zvicrës nëpërmjet projekteve te saja në Kosovë, ka investuar rreth 70 milionë euro në sektorin e ujërave, ndërsa edhe tri vitet e ardhshme planifikon t’i investojë edhe 30 milionë të tjera. Kështu ka deklaruar Ardiana Efendija-Zhuri nga Ambasada zvicerane në Prishtinë.

Ajo tha se shteti i Zvicrës, nga viti 1999 deri më 2016 ka investuar 70 milionë euro në zonat rurale dhe zonat urbane. Investimet fillestare janë bërë në Anamoravë e pastaj në tërë territorin e Kosovës, projekte që kanë pasur të bëjnë me zgjerimin e rrjetit të ujit të pijshëm, deklaroi ajo.

“Deri në fund të vitit 2020 do të investohen edhe mbi 30 milionë euro. Duhet të kuptohet se këto ishin grante e jo kredi, pra në total 100 milionë euro investime nga shteti zviceran”, ka thënë Efendija-Zhuri në emisionin “Puls”, transmeton express.

Ndryshe, shumica e fshatrave nga rajoni i Anamoravës: Vitia, Gjilani, Kamenica por edhe Ferizaj, ka përfituar nga qeveria e Zvicrës.