Adonisi i bashkohet Albianit në St. Gallen

St. Gallen ka konfirmuar zyrtarisht se ka marrë Adonis Ajetin, binjakun e Albianit

Ashtu siç kishim paralajmëruar edhe në albinfo.ch., vëllezërit Ajeti janë bashkuar në skuadrën zvicerane St. Gallen.

Lajmin e ka konfirmuar Albian Ajeti në rrjetin social “Facebook”. “Binjakë përgjithmonë. Mirë se vjen vëlla në familjen St. Gallen, që nga sot do jemi bashkëlojtar #welcomAdonisAjeti”, ka shkruar Albian në “Facebook”.

Skuadra e St. Gallenit ditë më parë bleu kartonin e Albian Ajetit, i cili do të jetë pjesë e skuadrës zvicerane deri më 2021. Ai ishte i huazuar në St. Gallen.

Vëllai i madh, Arlind Ajeti është pjesë e skuadrës italiane, Torino dhe Kombëtares shqiptare në futboll.